Текст
2020 жылғы 30 қыркүйекте өрт қауіпсіздігі айлығын өткізу шеңберінде Целиноград ауданының ТЖБ және 22-ӨСБ қызметкерлері Ашық есік күнін өткізді. Іс-шараға Ақмол ауылының № 5 орта мектебінің оқушылары шақырылды.
Бұл күні оқушылар жауынгерлік кезекшіліктегі өрт сөндірушілердің тұрмыстық жағдайларымен, азаматтық қорғау органдары бөлімшелері жұмысының негізгі қағидаттарымен танысты.
Кезекші ауысымның жеке құрамы оқушыларды қару-жарақтағы арнайы техникамен, өрт-техникалық қару-жарақпен таныстырды, азаматтық қорғау органдары қызметкерлерінің еңбек қызметінің негізгі мақсаттары мен міндеттері қысқаша түсіндірілді.
Оқушылар азаматтық қорғау қызметкерлерінің қызметіне үлкен қызығушылық танытты.