1-сыныпқа құжаттарды қабылдау

Балаларды 1-сыныпқа қабылдау және мектепке қабылдау, сондай-ақ білім беру ұйымдары арасында ауыстыру бойынша мемлекеттік қызметті қалай алуға болатыны туралы, Қазақстан Республикасы Білім және ғылым министрінің 2018 жылғы 12 қазандағы № 564 бұйрығымен бекітілген бастауыш, негізгі орта және жалпы орта білімнің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгілік қағидаларына сәйкес.

Ағымдағы жылы Оқу-ағарту министрлігі мен Цифрлық даму министрлігі бірлесіп іске асырып жатқан пилоттық жоба аясында қабылдаудың ерекшеліктері айқындалды.

Пилоттық жобаға сәйкес Қазақстан Республикасының әр өңірі үшін құжат қабылдау мерзімдері белгіленген. Ақмола облысы үшін 1-сыныпқа құжат қабылдау мерзімдері:

10 маусымнан 31 тамызға дейін — өтініштер eGov.kz электрондық үкімет порталы арқылы немесе мектеп кеңсесі арқылы қабылданады.

Бұл шаралар өтініштерді жаппай беру кезінде порталға түсетін жүктемені азайтуға бағытталған.

Сондай-ақ әр мектепте электрондық цифрлық қолтаңбаны пайдалана отырып өтініш беруге арналған өзіне-өзі қызмет көрсету бұрыштары жұмыс істейді.

1-сыныпқа 6 жастан бастап балалар, сондай-ақ ағымдағы күнтізбелік жылы 6 жасқа толатын балалар қабылданады.

Білім беру ұйымдары бекітілген аумақта тұратын барлық балаларды олардың дайындық деңгейіне қарамастан қабылдауды қамтамасыз етеді.

Әр мектепке қызмет көрсету аумағы бекітіледі.

«Үшке бір» қағидаты қолданылады: бекітілген аумақтан үш бала және басқа аумақтан бір бала (тіркелу кезектілігі бойынша) қабылданады.

Осы ұйымдағы мектепалды даярлық бағдарламасын аяқтап, оқуын жалғастыруға ниет білдірген балалар автоматты түрде 1-сыныпқа қабылданады.

          Басқа мектепті таңдаған жағдайда құжаттар жалпы негізде тапсырылады.

Мемлекеттік қызметті алу үшін келесі құжаттар қажет:
өтініш;

ата-анасының жеке куәлігі және баланың туу туралы куәлігі (сәйкестендіру үшін ұсынылады);

медициналық анықтамалар (денсаулық паспорты және екпе картасы);
3×4 см фотосурет.

Құжаттардың толық пакеті ұсынылған жағдайда:

ата-аналардың жеке кабинетіне бір жұмыс күні ішінде хабарлама жіберіледі;

қабылдау 1 қыркүйектен бастап жүзеге асырылады;

қабылдау туралы бұйрық 25 тамыздан ерте шығарылмайды.

Мектеп пен ата-аналар арасында білім беру қызметтерін көрсету туралы шарт жасалады.

Қабылдаудан бас тарту келесі жағдайларда ғана мүмкін:

жалған құжаттар ұсынылған жағдайда;

белгіленген талаптарға сәйкес келмеуі;

дербес деректерді өңдеуге келісімнің болмауы;
сыныптардың толып кетуі.

Басқа жағдайларда ата-аналар білім беру органдарына жүгінуге құқылы.

Сондай-ақ «Білім беру ұйымдары арасында ауыстыру» мемлекеттік қызметіндегі өзгерістері бойынша.

Ағымдағы жылдың 27 наурызында Қазақстан Республикасы Білім және ғылым министрінің 2018 жылғы 12 қазандағы № 564 бұйрығымен бекітілген үлгілік қағидаларға өзгерістер енгізілді.

Ауыстыру тек каникул кезеңінде жүзеге асырылады.
Алайда жекелеген жағдайларда оқу жылы барысында да рұқсат етіледі.

Мұндай жағдайларға мыналар жатады:
• заңды күшіне енген сот шешімінің болуы;
• бір елді мекен ішінде немесе басқа елді мекенге көшу (тұрғын үйге меншік немесе пайдалану құқығын растайтын құжаттар болған жағдайда);
• Қазақстан Республикасынан тыс жерге шығу (растайтын құжаттар ұсынылған жағдайда);
• кәмелетке толмағандардың зорлық-зомбылыққа, қатыгездікке немесе буллингке ұшырауы немесе куәгері болуы жағдайлары, Қазақстан Республикасы Оқу-ағарту министрінің 2022 жылғы 21 желтоқсандағы № 506 бұйрығына сәйкес.

Ауыстыруға өтінішті eGov.kz порталы арқылы немесе мектепке жүгіну арқылы беруге болады.

Ауыстыру үшін:

• портал арқылы — электрондық өтініш беріледі;

• мектепке жүгінгенде — өтініш, шығу талоны және оқушының жеке ісі ұсынылады.

Өтініш бергеннен кейін:

• бір жұмыс күні ішінде ауыстыру туралы хабарлама немесе дәлелді бас тарту жіберіледі;

• қағаз түрінде тапсырылған жағдайда шығу талоны беріледі.

Шығу талонының жарамдылық мерзімі — 3 жұмыс күні, осы уақыт ішінде ауыстыру рәсімін аяқтау қажет.