Баланың зияткерлігі қалай дамиды?

2-11 жас аралығында балалардың есте сақтауы мен логикалық қабілеттері дамып, әлеуметтік және эмоциялық зияткерлігінің негізі қаланады. Миы ересектердікінен екі есе белсендірек. 3 жаста тынымсыз, өз қалауын және еркіндігін танытқысы келеді. Бұл кезде қанша қиын болса да, кейде таңдау еркіндігін берген жөн. Сонда ол ата-анасының құрметін сезінеді. 7-8 жасқа дейін өзімшілдік мінез-құлық пен ойлау тән. Бұл жаста көзқарастары көптің бірі екендігін қабылдай алмайды. 8 жаста бала заттың қайтымдылық және сақталу ұғымдарын қабылдайды. Дәл осы кезде оның логикалық қабілеті қоршаған ортаны нысандық жіктеуден бастап, иерархиялық құрылысын жасақтайды. 11 жастан синаптикалық байланыстары бұзылып, ең нәтижелісі ғана қалады. Эмоциясын ұстап үйреніп, жауапкершілікті сезініп, нақты мақсаттар қоя бастайды. Баланың ойлану қабілеті абстракты бола бастап, түрлі гипотезалар мен ойша тәжірибелер, логикалық қорытындылар жасайды. Осылай бала зияткерлігі қалыптасады.