Текст
Міне, қиындығы мен қызығы қатар жүретін тағы бір оқу жылы артта қалды. Мектебімізде білім алған түлектеріміз мемлекеттік қорытынды аттестация тапсыруды аяқтады. Ағымдағы оқу жылында негізгі орта мектепті 79 түлек аяқтаса, 54 түлек орта білім алды.
Енді, міне, нағыз жүрек тебірентерлік сәт те келіп жетті. Жыл бойы әр сабақ арасында сыңғырлап естілген әдемі қоңырау үні артта қалып, түлектеріміз тарыдай болып кірген алтын ұя мектебінен таудай болып шыққалы отыр.
Түлектерімізге өмірде әрқашан жолдары болып, елінің, жерінің, халқының игілігіне еңбек ететін нағыз патриоттар болуына тілектеспіз! Ақ жол, құрметті түлектер!