қазақтың ағартушысы, қоғам қайраткері, әдебиеттанушы, түркі танушы, ғалым, аудармашы Ахмет Байтұрсыновтың 150 жылдығына орай ,,Ахмет- ұлт мақтанышы’’ атты әдеби кеш өтті. Әдеби кештің мақсаты: ақынның өмірі мен шығармашылығын кейінгі ұрпаққа насихаттау, қазақ халқы үшін еткен ерен еңбектерін паш ету. Аталмыш іс- шарада оқушылар Ахаңның өлеңдерін нақышына келтіріп оқып, аудармаларын қойылым етіп қойды. ‘’ Тар жол, тайғақ кешкен’’ өмірі мен қиянатқа толы қоғамдағы орны жайлы ‘’Ахмет-ұлы ұстаз’’ атты сахналық көрініс көрсетілді. Ахаңның білім жолында тау сілеміндей мол мұрасы, әр қазақтың баласы оқып, білім алуға жасаған игі істері келер ұрпаққа таусылмас қазына екенін әдеби кеште көрсете білді. Әдеби кешті қазақ тілі мен әдебиет пәні мұғалім Туркешова Манара Амановна өткізді.