Таңғы жаттығуды бастамас бұрын балалар 3 қатарға тұрғызылды. Кейін Қазақстан Республикасының Мемлекеттік Әнұраны орындалып, дене шынықтыру мұғалімі балаларды қауіпсіздік ережесімен таныстырды. Ережені сақтай отыра балалар таңғы жаттығуды орындады. Таңғы жаттығудан кейін балалар асханаға барды.
Бұл тәрбиелік іс-шарада Қазақстан Республикасының ұлттық рәміздері жайлы мағлұмат берілді. Балалар өз білгендерін ортаға салып, ой бөлісті. Тақырыпқа сай мультфильм көрсетілді.
Сурет байқауын бастамас бұрын балаларды топ-топқа бөліп, байқау ережесімен таныстырды. Байқау ережесін тыңдап болғаннан кейін балалар тақырыпқа сай суреттерін салып, сайысқа түсті. Байқау соңында кімнің үздік сурет салғаны «шапалақтау» әдісімен анықталды. Байқаудан кейін балаларды сергіту мақсатында би жарыс ұйымдастырылды.
«Алтын балық» тобы байқаудан кейін таза ауада ойын ойнауға шықты. Балаларға қауіпсіздік ережелері түсіндірілді. Таза ауада «Ақсерек- көксерек», «қызыл ту» сынды ойындар ойналды.
Барлық жоспарланған жұмыстар жасалған соң балалар кері байланыс орнатты. Бүгінгі күннен алған әсерлерімен бөлісті. Келесі күнге қандай қызықты істермен айналысқылары келетіні жайлы айтып, ұсыныс білдірді.