Текст
Целиноград аудандық мәдениет үйінде 2023 жаңа жылдық шырша ұйымдастырылды. Ауданның білім беру мекемелерінен жиналған әлеуметтік аз қамтылған, көпбалалы отбасы мәртебесі бар 110 бала сән-салтанаты келіскен жасыл шыршаның жанында Аяз Ата мен Ақшақардың алдында ән-жыр айтып, би билеп көңілді мерекелік кештің көзайымы болды. Аудан әкімі Оспанбеков Бақытбек Амантайұлы балақайларды жаңа жылдарымен құттықтап, аудан тарапынан берілген тәттілер мен сыйлықтарды үлестірді. Жаңа 2023 қоян жылы құтты болсын! Еліміздің еңсесі биік, келешегі кемел болсын ағайын!